Plantun de Prouvènço

Pèr coumpara dos planto d'encò nostre

Vaccaria hispanica & Helianthemum canum

Vaccaria hispanica

Caryophyllaceae

Noms en français : Vachère, Saponaire des vaches.

Descripcioun :
Lou cauril-sauvage trachis dins li meissoun e lis ermas. Ié dison qu'es uno arqueoufito que nous vèn d'Anatolìo desempièi de siècle emé li gran de blad. Emé la criblo se vèi de mens en mens aleva en Auto Prouvènço. Se recounèis eisadamen à si flour roso pourtado pèr de long pecou e à si fueio verdalo e en lanço.

Usanço :
Es esta cultiva en mescladisso emé lou blad e la luserno pèr li vaco, que parèis qu'èi bono pèr ié faire veni lou la. Aquesto prouprieta se retrovo encò de la femo e toco tout ço qu'es en raport emé la femenita (enmenagogo, enflamacioun di teté, analgesico). Tout acò èi bessai de vèire emé la formo de la flour (principe di signaturo). Se dis peréu qu'èi vertuouso pèr la circulacioun dóu sang.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Vaccaria
Famiho : Caryophyllaceae

Coulour de la flour : Roso
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Meissoun - Champ - Ermas
Estànci : Termoumediterran à Mountagnard
Couroulougi : Subrecousmoupoulito
Ref. sc. : Vaccaria hispanica (Mill.) Rauschert, 1965

Massugueto(-di-chin)

Helianthemum canum

Cistaceae

Noms en français : Hélianthème blanc, Hélianthème des chiens.

Descripcioun :
Aquesto massugueto di flour jauno trachis dins la garrigo e li relarg roucassous. Li fueio an ges d'estipulo. Pèr la destria de Helianthemum italicum fau bèn regarda lou dessouto di fueio qu'èi blanc que i'a un mouloun de péu estela (fotò). Au contro Helianthemum italicum a pas jamai de péu estela. Coumpara emé la massugueto-d'Itàli e peréu lis àutri massugueto di flour jauno.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenòu).

Port : Pichoto planto lignouso
Taio : 5 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 8 à 16 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mai à jun

Liò : Garrigo - Roucaio - Tepiero seco
Estànci : Termoumediterran à Aupen
Couroulougi : Éurimediterranenco
Ref. sc. : Helianthemum canum (L.) Baumg., 1816 (= Helianthemum oelandicum subsp. incanum (Willk.) G.López, 1992 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Vaccaria hispanica & Helianthemum canum

ges

Coumpara Cauril-sauvage emé uno autro planto

Coumpara Massugueto(-di-chin) emé uno autro planto